منتديات فرفشة

مرحباً بك في منتديات فرفشة نتمني ان تقوم بالتسجيل معنا في المنتدي

خليك فريش عشان الشعر ميتنعكش

 مرحباً بكم في منتديات فرفشة لكل المفرفشين ( خليك فريش عشان الشعر ميتنعكش )

    حراميهـ بتفهــــــــــــمـ

    شاطر
    avatar
    cRaZy N
    Admin
    Admin

    انثى
    آلعمر : 22
    القوس
    البلد :
    عدد آلرسآئل : 1037
    نقآط : 4589
    آلسمعهـ : 15
    آلمزآج :
    تاريخ التسجيل : 05/02/2009

    drink حراميهـ بتفهــــــــــــمـ

    مُساهمة من طرف cRaZy N في الإثنين يونيو 14, 2010 12:16 pm


    حتى السرقة في أمريكا لها فن وأصول وقواعد ولكن الأهم أن يكون الشخص سواء أكان لصاً أو لا ممتلكاً لسرعة البديهة والدهاء وهذا ما حدث في أحد المدن الأمريكية وهي قصة حقيقية ، دخل اللص ومساعده أحد البيوت وكان اللص خبير فتح خزن صوابعه تتلف في حرير وبعد ما فتح الخزنة ولم اللي فيها ونضفها تمام وقفل الخزنة كمان وقبل ما يمشي هو وصاحبه فوجئ بصاحب البيت بيفتح النور وفي إيده مسدس .

    صاحب البيت : مكانك انت وهو يا ولاد الـ......

    واتصل بالشرطة عشان يقبضوا عليهم فما كان من اللص إلا أن خلع قفازاته و صب لنفسه ولمساعده ولصاحب المنزل أيضاً ويسكي وجلس على ترابيزة ( طاولة ) وطلع كوتشينة من جيبه ووزع الورق على تلات أفراد .

    اللص لمساعده : اعمل زي ما أنا بعمل يا حيوان يا عرة الحرامية يا غبي

    المساعد : حاضر يا معلمي بس متقولش يا حيوان

    اللص لصاحب المنزل : اتفضل يا بيه إلعب معانا دورين أنا وزعتلك

    صاحب البيت : يا بجاحتك بتشرب من الويسكي بتاعي وقاعد تلعب كوتشينة وعايزني ألاعبك كمان ؟ صحيح اللي اختشوا ماتوا

    المساعد : طب متقولش ماتوا

    اللص : براحتك أنا قولت نتسلى كلنا لغاية ما البوليس ييجي

    بدأ التوتر والشك والفار اللي بيلعب في العب يخش لصاحب البيت من الهدووء القاتل للص وقال : انت مش همك البوليس مش كده انت فاكرني بهزر لما اتصلت بيهم ... أهم جم ( ويوا ويوا ويوا ... دا صوت البوليس طبعاً )

    دخلت الشرطة إلى المنزل فقال صاحب البيت : أهم يا باشا الحرامية أنا قفشتهم متلبسين ومعاهم الفلوس اللي سرقوها مني

    اللص : دا كداب يا باشا إحنا كنا بنلعب قمار إحنا التلاتة وأنا كسبت قام اتنرفز وزعل وهددنا بالمسدس عشان أرجعله الفلوس اللي كسبتها ولما رفضت قال : طب وديني لوديكم في داهية

    استمع صاحب البيت إلى القصة بارتياع وقال : والنعمة الشريفة يا باشا دول كدابين

    اللص : بعد إذنك يا فندم أنا بطلب حماية البوليس من الراجل ده وأطلع من هنا تحت حمايتكم

    نظر الشرطي إلى الغرفة لقى ترابيزة عليها تلات كؤوس ويسكي وتلات مجموعات ورق كوتشينة متوزعة بطريقة بتقول انهم فعلاً كانوا بيلعبوا هما التلاتة فقال : لما تحب تلعب قمار تاني متبقاش تعيط لما تخسر وترفع المسدس على الناس المحترمة... احرسوا البهوات وهما طالعين من هنا

    المساعد : طب متقولش محترمة

    قال اللص وهو ماسك شنطة الفلوس ويهم بالخروج : ألف شكر يا باشا بس أنا عندي طلب ، أنا بتهم الراجل ده بالشروع في قتلي وتهديدي بمسدسه مما سبب لي أضرار نفسية وصاحبي الغلبان ده عملها على روحه

    المساعد : طب متقولش غلبان

    الشرطي : وهو كذلك وأنا هتهمه بإزعاج السلطات كمان

    دخل صاحب البيت في بكاء هستيري وهو يقول : يعني مش كفاية سرقوني وطلعوا تحت حماية البوليس بفلوسي لا وهتسجن كمان انتوا اتحدفتوا عليا من أنهي داهية خرج اللص فخوراً بذكاءه في أصعب المواقف

    فهمس مساعده في إذنه وقال : قشطة هنقسم الفلوس فين يا زعيم؟

    اللص : طب متقولش هنقسم






    - - - - - - - - - - - - - - - التوقيع - - - - - - - - - - - - - - -







    OnlY from The heaRt U Can touch The SkY



    avatar
    crazy luv
    Admin
    Admin

    انثى
    آلعمر : 21
    الدلو
    البلد :
    عدد آلرسآئل : 604
    نقآط : 3739
    آلسمعهـ : 7
    آلمزآج :
    تاريخ التسجيل : 04/02/2009

    drink رد: حراميهـ بتفهــــــــــــمـ

    مُساهمة من طرف crazy luv في الإثنين يونيو 14, 2010 1:24 pm

    ههههه ايه الحرامي العسل ده




    - - - - - - - - - - - - - - - التوقيع - - - - - - - - - - - - - - -





    To Be Best U Have To Be





    avatar
    asia
    فرفوش ذهبي
    فرفوش ذهبي

    انثى
    آلعمر : 21
    السمك
    البلد :
    عدد آلرسآئل : 928
    نقآط : 4197
    آلسمعهـ : 22
    آلمزآج :
    تاريخ التسجيل : 10/06/2009

    drink رد: حراميهـ بتفهــــــــــــمـ

    مُساهمة من طرف asia في الإثنين يونيو 14, 2010 4:02 pm

    هههههههههه فعلا حراميه بتفهم الله يعين صاحب البيت هههه

    ثانكس يا نوني ع الموضوع الحلو

      الوقت/التاريخ الآن هو الإثنين ديسمبر 11, 2017 9:00 pm