•·.·´¯`·.·• السلام عليكم و رحمة الله و بركاته •·.·´¯`·.·•
فيه أسئلة عبيطة مالهاش اي لزمة في الدنيا
بنتعرّض ليها كل يوم من كل الناس
خلـونـــا نشــوف أمثلة
***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))
***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني ))
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بلعب بيه ))
***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها ))
***********
ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))
***********
أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
(( أكيد يعني مش هيقولهم البقاء لله ))
***********
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
ولا ايه؟؟
(( سبتيله ايه يقوله يارخمة ؟ ))
***********
والأسخف بقى ... الشلل الكبير .. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ ))
***********
كفاية كده عليكواااااا
اظن انتوا عارفين الباقي
مع ارق تحياتي وتمنياتي لكم بالتوفيق
الخميس مايو 12, 2011 6:20 am من طرف sasa_pasha
» ادخلوا مشان تعرفوا شو هو الموضوع
السبت مارس 19, 2011 3:30 pm من طرف asia
» راكعاً على ركبته .. رونالدو لصديقته : تزوجيني!
السبت مارس 12, 2011 5:47 pm من طرف asia
» رئيس الريال يحذر صديقة كاسياس من انتقاد رونالدو
السبت مارس 12, 2011 1:15 pm من طرف cRaZy N
» جمل صغيرة بمعاني رائعه
الجمعة فبراير 25, 2011 3:11 pm من طرف asia
» الانسان الهادىْ
الثلاثاء فبراير 15, 2011 6:46 pm من طرف asia
» شوفت الفشار بيعمل اية...!!
الأحد فبراير 13, 2011 8:41 pm من طرف asia
» تفضلوا بالاجابه فقط بنعم او لا
الأحد فبراير 13, 2011 8:37 pm من طرف asia
» ][][§¤°^°¤§][][... نبـــــــض الصــــــــــــور ... ][][§¤°^°¤§][][
الأحد فبراير 13, 2011 8:35 pm من طرف asia
» فين الكرهـ ... ؟
الأحد فبراير 13, 2011 8:27 pm من طرف asia